"ОЧИҚ ЭШИКЛАР КУНИ"
Андижон қурилиш ва транспорт касб-ҳунар коллежида "Очиқ эшиклар куни" тадбири бўлиб ўтди.
Тадбир доирасида коллеж ўқувчиларининг миллий ҳунармандчилик ва қўл меҳнати маҳсулотлари кўргазмаси ташкил этилди. Шунингдек, шаҳар ва туманлардан ташриф буюрган умумтаълим мактабларининг битирувчиларига коллежнинг замонавий технологиялар билан жиҳозланган фан ва амалиёт хоналари, ахборот-ресурс маркази ҳамда ўқиб, касб-ҳунар эгаллашлари учун яратилган шарт-шароитлар, мавжуд фан ва спорт тўгараклари ҳақида кенг маълумотлар берилди, ётоқхона билан таништирилди. Шундан сўнг коллежнинг иқтидорли ўқувчилари томонидан бадиий дастур намойиш этилди.
Қизиқарли ўтган тадбир давомида мактаб битирувчилари ўзларини қизиқтирган саволларига батафсил жавоблар олдилар.
О. ДАДАБОЕВА.
|