МАШҒУЛОТЛАР ДАВОМ ЭТМОҚДА
Давлат муассасалари ва жамоат хизмати ходимлари касаба уюшмаси Андижон шаҳар кенгаши тизимидаги корхона, ташкилот ва муассасаларда "Диний экстремизм ва терроризм - ёшлар келажагига таҳдид" , "Дин ва ёшлар" мавзуларида "Маънавият соати" машғулотлари ўтказилмоқда.
Жумладан, ўқитувчи ва ўқувчилар иштирокида Андижон олимпия заҳиралари коллежида бўлиб ўтган "Диний экстремизм ва терроризм - ёшлар келажагига таҳдид" мавзусидаги давра суҳбатида мавзу доирасида атрофлича сўз юритилди. Тадбирда мутахассислар томонидан ёшлар ўртасида терроризм ва диний ақидапарастликнинг олдини олиш, уларни ватанпарварлик руҳида тарбиялаш, дунёқарашини кенгайтириш, бўш вақтларини мазмунли ташкил этиш ҳамда тинчлик ва барқарорликни сақлаш борасидаги тарғибот ишлари самарадорлигини ошириш юзасидан маърузалар тингланиб, мавзуга оид видеороликлар намойиш этилди.
Тадбирда фаол иштирок этган ўқувчилар касаба уюшма қўмитасининг фахрий ёрлиқ ва эсдалик совғалари билан тақдирландилар. Ўқувчи ёшларнинг маънавияти, мавзу доирасидаги билим ва тушунчаларини бойитишга қаратилган бу каби машғулотлар қатор коллежларда бўлиб ўтмоқда.
Севарахон ҲОШИМОВА.
|