НАМУНАЛИ ТАЪЛИМ МАСКАНИ

Олтинкўл туманидаги 20- Давлат ихтисослаштирилган мактаб интернатида ўқувчи-ёшларга она тили ва математика фанлари чуқур ўргатилади. Намунали фаолият олиб бораётган мазкур таълим муассасасида айни кунда 24 нафар малакали ўқитувчи 191 нафар ёшларга таълим-тарбия бермоқда.

Халқ таълими аълочиси Шерзодбек Исабоев раҳбарлигидаги ушбу мактабда ўқувчилар билимини янада ошириш учун хорижий тиллар, шунингдек, қатор фан ва спорт тўгараклари фаолияти йўлга қўйилган. Дарслар ва тўгарак машғулотларида фаол қатнашаётган кўплаб йигит-қизлар туман, вилоят миқёсидаги турли танлов ва мусобақаларда ғолиблар қаторидан ўрин олмоқдалар. Жумладан, 8- синф ўқувчилари М. Ҳамидова, М. Иминжонова, М. Нурмирзаева сингари иқтидорли ёшлар ўзларининг билими ва фаоллиги билан тенгдошларига намуна бўлмоқдалар.

Ш. КЕЛДИЕВ.