№40, 01.10.2015 ИНСОН ҚАДРИ БАЛАНД
Таълим, фан ва маданият ходимлари касаба уюшмаси Андижон шаҳар Кенгаши томонидан "Кексаларни эъзозлаш йили" муносабати билан "Инсон қадри ҳамиша баланд" мавзусида ҳайрия тадбири ўтказилди. Мактаб ва мактабгача таълим ҳамда мактабдан ташқари муассасаларнинг фаол ўқитувчи ва мураббийларидан тузилган ишчи гуруҳ аъзолари шаҳримиздаги бир қатор кам таъминланган ҳамда боқувчисини йўқотган, якка-ёлғизлар ва ногиронларнинг хонадонларида бўлишиб, уларнинг ҳолидан хабар олдилар. Шунингдек, таълим, фан ва маданият ходимлари касаба уюшмаси Андижон шаҳар кенгашининг 110 нафар ходимларига Қурбон Ҳайити айёми муносабати билан озиқ-овқат маҳсулотлари тарқатилди.
Мазкур хайрия тадбири якка-ёлғиз яшовчилар, ногиронлар ҳамда касаба уюшма ходимларини ижтимоий қўллаб-қувватлаш мақсадида ўтказилди.
Насибахон ТЎРАҚУЛОВА.
|