"ТАЛАБАЛИК - ОЛТИН ДАВР"

Қорасув қишлоқ хўжалиги касб-ҳунар коллежида 17 ноябрь- Бутунжаҳон талабалар куни муносабати билан "Талабалик - олтин давр" мавзусида тадбир бўлиб ўтди.

Тадбирда сўз олган Қорасув шаҳар ҳокими М. Ниязов, шаҳар ҳокими ўринбосари, шаҳар хотин-қизлар қўмитаси раиси Н.Холматова, шаҳар ички ишлар бўлинмаси бошлиғи А.Имяминовлар ўқувчиларни байрам билан қутлаб, эртанги кун эгалари бўлган ёшларга юртимизда берилаётган кенг имкониятлар, ана шу имкониятлардан унумли фойдаланиш, шунингдек, иқтидорли, йигит-қизларни юзага чиқариш, уларни қўллаб-қувватлаш борасида олиб борилаётган ишлар хусусида гапирдилар.

Ўқиш ва жамоат ишларида энг фаол бўлган коллежнинг бир гуруҳ ўқувчиларига шаҳар ҳокимининг эсдалик совғалари топширилди.

Тадбир якунида коллеж ўқувчилари томонидан тайёрланган байрам дастури намойиш этилди.

З. РАҲМОНОВА.