№2, 07.01.2016 "ОИЛА-МАҲАЛЛА-МАКТАБ" ҲАМКОРЛИГИ МУСТАҲКАМЛАНМОҚДА
Андижон шаҳридаги 23- умумтаълим мактабида эрта никоҳларнинг олдини олиш, ёшларни оилавий ҳаётга тайёрлаш, таълим-тарбия ишлари самарадорлигини ошириш масалаларига бағишланган давра суҳбати бўлиб ўтди.
Мактаб ўқитувчилари, ота-оналар ҳамда Андижон шаҳридаги Хурсандлик маҳалла фуқаролар йиғини фаоллари иштирок этган мазкур тадбирда сўз олган мактаб директорининг маънавий-маърифий ишлар бўйича ўринбосари Зулфияхон Исомиддинова ҳамда маҳалла фуқаролар йиғини раиси Анваржон Қодиров мавзу юзасидан маъруза қилдилар. Иштирокчилар томонидан маърузалар, умуман, мавзу доирасидаги ишлар самарадорлигини ошириш, "Оила-маҳалла-мактаб" ҳамкорлигини мустаҳкамлаш юзасидан таклиф, фикр ва мулоҳазалар билдирилди.
Ш. КЕЛДИЕВ.
|