№4, 21.01.2016 ИФТИХОРИМСАН, МУҚАДДАС ВАТАН!
Асака туманидаги 25- сон ҳарбий касб ва спортга йўналтирилган давлат ихтисослаштирилган мактаб-интернатида "Таянчим, суянчим, фахру ифтихорим, муқаддас Ватан!" шиори остида адабий-маърифий тадбир бўлиб ўтди. Тошкент стомотология институтининг Андижон филиали, Андижон шаҳридаги болалар шаҳарчаси тарбияланувчилари ҳамда мактаб-интернат ўқувчилари томонидан ташкил этилган ушбу тадбирда сўз олган мактаб интернат директори Р. Зокиров, туман мудофаа ишлари бўлими бошлиғи, подполковник Б. Раҳимов, Тошкент стоматология институти Андижон филиалининг маънавий-маърифий ишлар бўйича проректори А. Мақсудалиев, институтнинг маънавият-маърифат ва иқтидорли талабалар билан ишлаш бўлими бошлиғи О. Абдусаломовлар юрт тинчлиги муқаддас неъмат эканлиги, мустақилликка муносиб ворислар бўлиш лозимлиги хусусида гапирдилар.
Тадбирнинг бадиий қисмида болалар шаҳарчаси тарбияланувчилари ҳамда мактаб-интернат ўқувчилари томонидан тайёрланган мусиқали чиқишлар ва саҳна кўринишлари намойиш этилди. Тадбир якунида иқтидорли ва фаол ўқувчиларга институтнинг эсдалик совғалари топширилди.
Ш. ҲАСАНОВА.
|