"БИЗ - ИСТИҚЛОЛ ФАРЗАНДЛАРИМИЗ!"

Жалақудуқ тумани ҳокимлиги, хотин-қизлар қўмитаси, Ўзбекистон "Миллий тикланиш" демократик партияси туман Кенгаши ҳамда "Камолот" ЁИҲ туман бўлими томонидан Агросаноат касб-ҳунар коллежи ҳамда 49-умумтаълим мактабида "Юртимиз ифтихорлари - ёшлар даврасида" лойиҳаси асосида "Биз - истиқлол фарзандларимиз" деб номланган тадбир бўлиб ўтди.

Тадбирда Зулфия номидаги давлат мукофоти соҳибалари ҳамда турли кўрик-танловларда ғолиб бўлган ёшлар ўқувчилар билан ижодий мулоқотда бўлдилар.

Қизиқарли тарзда ўтган тадбирда мамлакатимизда олиб борилётган ёшларга оид давлат сиёсати, ёшларга яратилган кенг имкониятлар, айни пайтда улар жамиятимизнинг турли жабҳаларида самарали фаолият олиб бораётганликлари, юртимиз тараққиётига муносиб ҳисса қўшаётганликлари айтиб ўтилди. Шунингдек, ижодкор қизлар томонидан она-Ватанни, дўстлик ва севги муҳаббатни мадҳ этувчи шеърлар ва жонли ижродаги қўшиқлар даврага янада файз киритди.

Умиджон МАМАРАСУЛОВ.