СЕМИНАР БЎЛИБ ЎТДИ

Хўжаобод туманидаги 9-сон болалар мусиқа ва санъат мактабида мутахассислар, ўқитувчилар, кенг жамоатчилик вакиллари ва ёшлар иштирокида истеъмолчилар ҳуқуқларини ҳимоя қилиш масалаларига бағишланган семинар бўлиб ўтди.

Ўзбекистон Истеъмолчилар ҳуқуқларини ҳимоя қилиш федерацияси Андижон вилоят ҳудудий бирлашмаси ташаббуси билан туман истеъмолчилар ҳуқуқларини ҳимоя қилиш жамияти ҳамда халқ таълими муассасалари фаолиятни методик таъминлаш ва ташкил этиш туман бўлими ҳамкорлигида ўтказилган мазкур тадбирда умумий ўрта таълим мактабларида ўқувчилар учун яратилган шарт-шароитлар ва уларнинг сифатини ўрганиш юзасидан истеъмолчилар ўртасида ўтказилган сўровнома натижалари муҳокама қилинди.

Истеъмолчилар ҳуқуқларини ҳимоя қилиш жамиятлари бирлашмаси раиси Э.Қурбонов мавзу доирасида маъруза қилди, шунингдек, Ўзбекистон Республикасининг "Истемолчилар ҳуқуқларини ҳимоя қилиш тўғрисида"ги қонуни мазмун-моҳияти, ҳамда ана шу қонун асосда қабул қилинган қонуности ҳужжатлари ижросини таъминлаш, мазкур йўналишда вилоятда амалга оширилаётган ишлари хусусида кенг маълумотлар берди.

Тадбирда мутахассислар томонидан иштирокчиларни қизиқтарган барча саволларга батафсил жавоблар берилди.

Қизиқарли ўтган семинар иштирокчиларнинг мавзу доирасидаги билим ва тушунчаларини бойитишга хизмат қилди.

Маҳмуда

НАЖМИДДИНОВА,

Бирлашма матбуот ва ахборот бўлими бош мутахассиси.