№8, 18.02.2016 ҚИЗЛАР - МИЛЛАТ ДАВОМЧИЛАРИ
Андижон педагогика коллежида "Қизлар - миллат давомчилари" мавзусида маънавий-маърифий тадбир ўтказилди.
Қизларни оилага тайёрлаш, уларнинг кийиниши, муомала маданияти, одоб-аҳлоқи, жамоат жойларда ўзини тутиши, саломатлиги каби қатор масалалар хусусида сўз юритилган ушбу тадбирда, дастлаб, коллежнинг "Ораста қизлар" тўгараги аъзолари томонидан тайёрланган мавзу доирасидаги саҳна кўринишлари намойиш этилди. Шундан сўнг иштирокчилар ана шу йўналишдаги ишлар самарадорлигини ошириш юзасидан ўзларининг таклиф, фикр ва мулоҳазаларини билдирдилар. Тадбир ўқитувчи ва ўқувчилар ўртасида қизиқарли савол-жавоблар асосида ўтди.
Хуршида РЕЖАББОЕВА.
|