№8, 18.02.2016 "БАРҲАЁТ БУЮК СИЙМОЛАР"
Булоқбоши туманидаги 1-умумтаълим мактабида ҳазрат А.Навоий ҳамда улуғ саркарда ва шоир З. М. Бобур таваллуд кунлари муносабати билан "Барҳаёт буюк сиймолар" деб номланган адабий кеча бўлиб ўтди.
Мактаб ўқитувчиси Дилфуза Режапова ташаббуси билан ўтказилган тадбирда юқори синф ўқувчилари икки буюк сиймонинг ғазал ва рубоийларидан ўқидилар. Шундан сўнг 7- синф ўқувчилари томонидан Навоий ҳамда Бобур ҳаёти билан боғлиқ лавҳаларни акс эттирган саҳна кўринишлари намойиш этилди. Айниқса, 8- синф ўқувчиси Нигора Ҳакимова ижро этган "Тановар" рақси кечага ўзгача файз киритди. Мазмунли ва қизиқарли ўтган ушбу анжуман ёш ижодкорларнинг мушоираси билан якунланди.
Қизиқарли ўтган тадбир ўқувчи ёшлар қалбида улуғ алломалар ижодига, адабиётга бўлган қизиқиш ва ҳурматини мустаҳкамлашга хизмат қилди.
Фотима РАҲМОНОВА.
|