№9, 25.02.2016 "БИЗ ГИЁҲВАНДЛИККА ҚАРШИМИЗ"
Андижон давлат университети қошидаги 2- сон академик лицейда "Биз гиёҳвандликка қаршимиз" деб номланган ёшлар фестивали бўлиб ўтди.
Дастлаб ўқувчиларга гиёҳвандликнинг салбий оқибатлари ҳақидаги видеоролик намойиш этилди. Сўнгра лицей ўқувчилари томонидан тайёрланган бадиий дастур йиғилганлар эътиборига ҳавола қилинди. Айниқса, улар ижросидаги мавзу доирасидаги саҳна кўринишлари ҳамда қизиқарли беллашув барчада катта таассурот қолдирди.
Ўтказилаётган бу каби тадбирлар ёшлар ўртасида соғлом турмуш тарзини шакллантириш, уларни салбий иллатлар таъсирига тушиб қолишларининг олдини олиш, дарслардан сўнг бўш вақтларини мазмунли ўтказиш, фан, спорт тўгаракларига фаол қатнашиш борасидаги ишлар самарадорлигини оширишга хизмат қилмоқда.
Дилором НАЗАРОВА.
|