№9, 25.02.2016 "ОРАСТА ҚИЗЛАР" САРАЛАНДИ
Андижон туманидаги Саноат энергетика касб-ҳунар коллежида "Ораста қизлар" кўрик-танлови бўлиб ўтди.
Танловда иштирок этган коллежнинг энг иқтидорли, энг фаол ўқувчи қизлари олти шарт бўйича ўзаро беллашдилар. Таништирув, ўзбек мумтоз шоиралари ижодидан намуналарни ёддан айтиш, савол-жавоб, пазандачилик, миллий либослар намойиши ва эркин мавзу шартларини зукколик билан адо этган қизлар ўз иқтидорларини синовдан ўтказдилар. Айниқса, Роҳилахон Мирзамўйдинова ва Санталатхон Тиллаеваларнинг ҳар бир шартга алоҳида ёндашуви, истеъдоди барчага манзур бўлди. Танлов якунида иштирокчи қизлар "Энг жозибали", "Энг латофатли", "Энг билимдон", "Энг зукко", "Энг истеъдодли", "Энг маҳоратли" номинациялар бўйича ғолиб деб топилдилар.
Беллашув қатнашчилари коллеж маъмуриятининг фахрий ёрлиқ ва эсдалик совғалари билан тақдирландилар.
Ойтожихон МИРЗАЕВА.
|