№13, 25.03.2016 МЕҲР ВА ҚАДР АЙЁМИ
Андижон шаҳридаги Алишер Навоий номли маданият ва истироҳат боғи амфитеатрида вилоятимизнинг Наврўз айёмига бағишланган тантанали байрам тадбири бўлиб ўтди.
Турфа гуллар, ўзига хос тарзда безатилган амфитеатр мажмуаси байрамона тус олиб, барчага хуш кайфият улашди.
Вилоят ҳокими, Олий Мажлис Сенати аъзоси Шуҳратбек Абдураҳмонов барчани улуғ айём - Наврўзи олам билан муборакбод этиб, самимий дил сўзларини изҳор этди.
Тантананинг "Соғлом она бағрида биз беғубор болажонлар!", "Баҳорингдан айланай, юртим!", "Наврўзда сиз-ла биз бирга қувнаймиз!", "Оламни лол этар андижонликмиз!", "Наврўзинг муборак, Ўзбекистоним!" деб номланган бир-биридан жозибали қисмлари йиғилганларда катта таассурот қолдирди.
Ўзининг бадиий-мусиқий жиҳатдан мукаммаллиги, кўтаринкилиги ва жозибаси билан томошабинлар юрагидан чуқур жой олган Наврўз шодиёнаси юртдошларимиз қалбида узоқ вақт сақланиб қолиши шубҳасиз.
М. ИСМОИЛЖОНОВА.
|