№14, 31.03.2016 "ҚИЗ БОЛАНИНГ КАСБИ - УНИНГ БАХТИ"
Избоскан туманидаги 8- давлат ихтисослаштирилган мактаб интернатида "Қиз боланинг касби - унинг бахти" деб номланган давра суҳбати ўтказилди.
Мутахассислар, меҳнат фахрийлари, мактаб-интернат шифокорлари, ўқитувчи ҳамда ўқувчилари иштирок этган ушбу тадбирда сўз олган халқ таълими аълочиси М. Баҳодирова, синхрон сузиш бўйича Ўзбекистон чемпиони М. Ғофурова, интернатнинг "Ораста қизлар" тўгараги раҳбари Н. Насриддинова ва бошқалар "Илм ол, ҳунар ўрган", "Касб-ҳунар - қизлар иқболи", "Ҳунарли қиз - юрт келажаги", "Билимли қиз саришта, ҳунарли қиз фаришта" мавзуларидаги маърузаларини йиғилганлар эътиборига ҳавола қилдилар.
Тадбир давомида 9- синф ўқувчи қизлари томонидан тайёрланган бадиий чиқишлар ҳамда "Ораста қизлар" тўгараги аъзолари тайёрлаган қўл меҳнати намуналари намойиш этилди.
М. ОТАЖОНОВА.
|