№15, 07.04.2016 ИЖОДКОР ЎҚУВЧИЛАР ФЕСТИВАЛИ
Баркамол авлод" болалар ижодиёти фестивалининг вилоят босқичи бўлиб ўтди.
"Баркамол авлод" болалар марказларининг бадиий ижодиёт йўналишида фаолият олиб бораётган тўгарак аъзоларининг техник-ижодий интилишларини қўллаб-қувватлаш, рағбатлантириш, ўзлари қизиққан йўналишар бўйича билим ва маҳоратларини янада ошириш, қалбларида она Ватанга муҳаббат туйғуларини мустаҳкамлаш мақсадида ўтказилган мазкур фестивалда вилоятдаги "Баркамол авлод" болалар марказлари тўгаракларининг 100 нафарга яқин ўқувчилари иштирок этиб, тасвирий санъат, бадиий тўқиш, дўппидўзлик, ёғоч ўймакорлиги, қулолчилик, либослар дизайни, мунчоқли безак ишлари, юмшоқ ўйинчоқ ва қўғирчоқлар тайёрлаш йўналишлари бўйича ўзларининг 500 дан зиёд ижодий ишларини намойиш этдилар.
Фестивалда иқтидорли ўқувчиларнинг она Ватан, табиат манзаралари акс этган тасвирий санъат асарлари, айниқса, дўппидўзлик, ёғоч ўймакорлиги, кулолчилик йўналишларидаги маҳорат билан тайёрланган ўзига хос ижодий ишлари барчада катта таассурот қолдирди.
Якуний натижаларга кўра, ҳар бир йўналиш бўйича ижодий ишлари энг яхши деб топилган 8 нафар ўқувчи фестивалнинг республика босқичига йўлланма олди.
Ғолиб ва совриндорлар фестиваль ташкилотчилари томонидан муносиб рағбатлантирилди.
Х. СИДДИҚОВА.
|