ҲАМКАСБЛАРИМИЗНИ МУБОРАКБОД ЭТАМИЗ

Куни кеча журналистика соҳасида "Олтин қалам" XI Миллий мукофоти учун халқаро танлов ғолиб ва совриндорлари эълон қилинди.

Улар орасида вилоятимиз оммавий ахборот воситалари вакилларининг борлиги барчамизни хушнуд этди. Яъни танловнинг асосий номинациялар бўйича вилоят телерадиокомпанияси телевидение гуруҳи катта муҳаррири Матлуба Юсупова "Журналистика соҳасида энг яхши материал учун (телевидение)" номинацияси бўйича 3-ўринга, "Дийдор" радиоси муҳаррир-бошловчиси Бахтиёр Мавлонов "Журналистика соҳасида энг яхши материал учун (радио)" номинацияси бўйича 1-ўринга сазовор бўлди. Шунингдек, Миллий ва халқаро ҳамкорлар номинациялари бўйича "Андижоннома" газетаси бўлим мудири Муҳаббат Отамирзаева "Оммавий ахборот воситаларида хотин-қизлар фаолияти ёритилган энг яхши материал учун" номинацияси бўйича рағбатлантирувчи мукофот билан тақдирланди.

Журналистика соҳасидаги энг нуфузли "Олтин қалам" танловида ғолиб ва совриндор бўлган ҳамкасбларимизни муборакбод этамиз. Уларнинг келгусидаги ижодий ишларига омадлар тилаймиз.

"Иқбол" газетаси таҳририяти.