ТАЛАБАЛАР ТЕАТР СТУДИЯЛАРИ ФЕСТИВАЛИ

Андижон давлат университетида талабалари театр студиялари фестивалининг вилоят саралаш босқичи якунланди.

Талаба-ёшларни санъатга муҳаббат руҳида тарбиялаш, таълим муассасаларида олиб борилаётган маданий-маърифий ишлар самарадор-лигини ошириш, иқтидорли ёшларни қўллаб-қувватлаш мақсадида ўтказилган мазкур тадбирда Андижон давлат университети, Андижон машинасозлик, тиббиёт ва қишлоқ хўжалиги институтлари жамоалари ўз иқтидорларини намойиш этдилар.

Якунда "Ҳаёт-мамот" спектакли билан қатнашган Андижон давлат университетининг жамоаси ғолиб чиқиб, фестивалнинг Республика ҳудудий босқичида қатнашиш ҳуқуқини қўлга киритди.

Ижодий фестивалда қатор номинациялар бўйича ҳам совриндорлар аниқланди. Ғолиб ва совриндорлар фестиваль ташкилотчилари томонидан муносиб рағбатлантирилди.

Х.СИДДИҚОВА.