№20, 12.05.2016 ЁШ ИСТЕЪДОДЛАР КЎРГАЗМАСИ
Андижон давлат университетида "Соғлом она ва бола" йилига бағишланган "Мен буюк юрт фарзандиман!" деб номланган кўргазма ташкил этилди.
Университетнинг педагогика факультетида фаолият олиб бораётган ёш ижодкорлар тўгаракларининг йил якунига бағишланган тақдимот кўргазмасида факультетнинг тасвирий санъат муҳандислик графикаси йўналишининг "Ижодкор", "Тасвир", меҳнат таълими йўналишининг "Моҳир қўллар", мусиқий таълим йўналишининг "Дуторчи қизлар" тўгараклари аъзолари ўзларининг ижодий ишларини намойиш этдилар.
- Бундай тадбирларни ўтказишдан асосий мақсадимиз, талабаларнинг бўш вақтларини мазмунли ташкил этиш, ёш иқтидорларни юзага чиқариш ва уларни қўллаб-қувватлашдан иборат, - дейди тадбир ташкилотчиси, педагогика факультети декани, доцент Чаросхон Шокирова.
Кўргазмада Нодирабегим Низомова, Марҳабо Ғофурова, Нодира Абдураҳмоноваларнинг ижодий ишлари юқори баҳоланди.
Муштарий КАТТАБОЕВА.
|