№21, 19.05.2016 ЎҚУВ-АМАЛИЙ СЕМИНАР
Андижон тумани "Баркамол авлод" болалар марказида "Баркамол авлод" болалар марказлари фаолиятининг 2016 йилдаги долзарб вазифалари" мавзусида ўқув-амалий семинар бўлиб ўтди.
Ўзбекистон Республикаси Халқ таълими вазирлиги ҳамда "Баркамол авлод" республика болалар техник ижодиёт маркази ташаббуси билан ўтказилган мазкур тадбирда "Баркамол авлод" республика болалар техник ижодиёт маркази раҳбари Х. Зокирова, маънавий ва маърифий ишлар бўйича раҳбар ўринбосари Л. Тўхтаева, техник ижодкорлик йўналиши услубчиси А. Ҳожибоевлар иштирок этиб, марказларнинг техник ижодкорлик йўналишидаги тўгараклари фаолиятини такомиллаштириш ва ривожлантириш бўйича амалга ошириладиган ишлар хусусида гапирдилар.
Вилоятимиз туман ва шаҳарлари "Баркамол авлод" болалар марказлари раҳбарлари, маънавий ва маърифий ишлари бўйича раҳбар ўринбосарлари, услубчи ва тўгарак раҳбарлари қатнашган семинарда гуруҳларга бўлинган ҳолда амалий ва назарий машғулотлар ўтказилди. Иштирокчилар ўзларини қизиқтирган барча саволларга мутахассислардан батафсил жавоблар олди. Шунингдек, тадбир доирасида марказлар тўгарак аъзоларининг техник ишланмалари ва қўл меҳнатлари ишлари кўргазмалари намойиш этилди.
Сарвиноз ЮЛДАШЕВА.
|