№29, 14.07.2016 ҚЎШИҚЛАРДА ВАТАН МАДҲИ
З. М. Бобур номли вилоят мусиқали драма ва комедия театрида "Ягонасан, муқаддас Ватан!" кўрик-танловининг вилоят босқичи бўлиб ўтди.
Мамлакатимиз мустақиллигининг 25 йиллиги олдидан санъат соҳасида ёш иқтидорларни юзага чиқариш, уларни қўллаб-қувватлаш ва рағбатлантириш, она Ватанни мадҳ этувчи қўшиқлар орқали юртдошларимиз қалбида ватанпарварлик, фидойилик, ғурур, қадр-қиммат туйғуларини мустаҳкамлаш мақсадида вилоят маданият ва спорт ишлари бошқармаси тасарруфидаги муассасалар вакиллари ўртасида ўтказилган мазкур танловда унинг туман ва шаҳар босқичларида ғолибликни қўлга киритган 48 нафар ижрочилар Ватан, истиқлол, миллий ўзликни англаш мавзуларидаги қўшиқлари билан ўз истеъдод ва маҳоратларини намойиш этди.
Якуний натижаларга кўра, Асака тумани вакили Сардорбек Каримов "Эзгулик ўлкаси" қўшиғи билан биринчи ўринга сазовор бўлди. Жалақудуқ тумани вакили Маъруфжон Матмусаев "Ватан", Андижон шаҳри вакили Дилфуза Раҳимова "Ўзбекистон, ўзбегим" қўшиқлари билан иккинчи ва учинчи ўринни қўлга киритди.
З. РАҲМОНОВА.
|