ҚАДРЛАШ КЕЧАСИ БЎЛИБ ЎТДИ

Қўрғонтепа туманидаги 4- сон болалар мусиқа ва санъат мактабида таниқли болалар шоири ва адиби Одилжон Абдураҳмонов таваллудига 70 йил тўлиши муносабати билан адабий-бадиий кеча бўлиб ўтди. Унда сўз олган Ўзбекистон Ёзувчилар уюшмаси вилоят бўлими раҳбари Хуршидабону Қўчқорова йигирмага яқин шеърий тўпламлар, қисса ва романлар муаллифи бўлган О. Абдураҳмоновнинг ижодий фаолияти билан йиғилганларни яқиндан таништирди. Тадбирда сўз олган туман ҳокими ўринбосари, туман хотин-қизлар қўмитаси раиси Ферузахон Абдуллаева ва бошқалар ижодкорга эзгу тилаклар билдирдилар.

Тадбир давомида туман бадиий ҳаваскорлари томонидан тайёрланган мусиқали дастур кечага ўзгача файз бағишлади.

У. САКСОНБОЕВ.