№12, 19.03.2015 101 огоҳлантиради
ЁНҒИН ҲАВФСИЗЛИГИ ҚОИДАЛАРИГА РИОЯ ҚИЛАЙЛИК
Халқимизда сув балосидан, ўт балосидан Ўзи асрасин, деган нақл бежиз айтилмаган. Бирозгина бепарволик, оловли ишлар даврида ёки иситиш воситаларини ҳамда маиший электр жиҳозларини ёқиқ ҳолда назоратсиз қолдирилиши ёнғинлар келиб чиқишига сабаб бўлади. Қуйида келтирилган маълумотлар орқали шу нарса аён бўладики, ҳар қандай нохуш ҳодиса инсонларнинг эътиборсизлиги ва бепарволиги оқибатида келиб чиқади. Шундай бепарволиклардан бири табиий газдан фойдаланишда қоидаларга риоя қилмасликдан келиб чиқадиган кўнгилсизликлардир. Бу каби ҳолатлар фуқароларнинг мол-мулкига, ҳаётига таҳдид солади.
Бу борада вилоят Ички ишлар бошқармаси Ёнғин хавфсизлиги хизмати томонидан корхона, ташкилот, муассаса ва аҳоли хонадонларида ўтказилаётган ҳамда оммавий ахборот воситалари орқали олиб борилаётган профилактик тадбирлар ана шундай нохушликларнинг олдини олишга қаратилмоқда. Лекин шунга қарамй, фуқароларимизнинг табиий газдан фойдаланишда бепарволиклари мудҳиш оқибатларга олиб келмоқда.
Азиз ҳамюртлар!
Хонадонларингизда табиий газни резина шланглар орқали ўтказиб фойдаланманг. Уйингизда газ ҳидини сезсангиз, электр чироғи ва бошқа учқун чиқарувчи нарсаларни ёқманг. Зудлик билан эшик ва деразаларни очиб, хонани шамоллатинг, носоз ҳамда қўлбола иситиш воситаларини ишлатманг. Шундагина содир бўлиши мумкин бўлган кўнгилсизликларнинг олдини олган бўласиз.
Эркинжон ЖАББОРОВ,
Андижон вилояти ИИБ ЁХБ катта муҳандиси, майор.
|