Пазанда маслаҳати

БАЛИҚ ТАОМИ

Керакли масаллиқлар: Бир дона балиқ, оз миқдордан кашнич, укроп, петрушка, жамбил кўкатлари, лимон цедраси, 150 гр. сариёғ, туз, қора мурч таъбга кўра.

Тайёрланиши: Кўкатларни майда тўғрайсиз, устидан яна пичоқ ёрдамида чопиб, майдалайсиз. Лимон цедраси(пўсти)дан озроқ олиб, уни ҳам майда қилиб тўғрайсиз. Уй ҳароратида юмшатилган сариёғни солиб, туз ва қора мурч билан ҳаммасини аралаштирасиз.

Кейин балиқнинг ўртасидан иккига айриб, фальга (зар) қоғозга жойлайсиз ва устига кўкат ҳамда сариёғли аралашмадан соласиз. Зарқоғозни яхшилаб ўрайсиз ва духовкада 20 дақиқа давомида пиширасиз.

Тайёр бўлган таомни зарқоғоз билан дастурхонга тортасиз.