Пазанда маслаҳати

МЕВАЛИ ПИЦЦА

Керакли масаллиқлар: Бир донадан апельсин, киви, банан, 2 дона олма, 0,5 кг. майда қулупнай меваси, 0,5 л. илиқ сут, бир чой қошиқ дрожа, бир ош қошиқ шакар, 100 гр. сариёғ, юмшоқ хамир учун ун, 0,5 л. қуюқ қаймоқ, бир пиёла суюқ асал, 100 гр. ёнғоқ мағзи.

Тайёрланиши: Сутни дрожа билан аралаштирасиз ва шакар, сариёғ ҳамда ун солиб, хамир қорасиз. Хамирни салафан пакетга жойлаштириб, тиндиришга олиб қўясиз.

20 дақиқадан сўнг хамирни ёйиб, товага жойлаштирасиз. Барча меваларни паррак қилиб тўғраб, хамир устига териб чиқасиз. Қаймоқ билан асални аралаштириб, мевалар устидан асталик билан қуясиз. Сўнг ёнғоқ мағзини туйиб сепасиз ва 20 дақиқа давомида 170 оС ҳароратда духофкада пиширасиз.

Тайёр бўлган пиццани кесиб, ликопларга соласиз.