№29, 18.07.2013 ТАЛҚОН
Керакли масаллиқлар: Ёғ 1 чўмич, ун 1 коса, сут 2 чўмич.
Стол устида ун уйилади ва ўртаси чуқурча қилиб очилади. Бу чуқурчага сут билан ёғ солиниб, хамир қорилади
Хамир сочилувчан бўлади, хамир уқаланиб ғалвир (йирик кўзли элак) дан ўтказилади. Ғалвирдан ўтган хамир қуруқ қозонда қовурилади. Ғалвирдан ўтмай қолганлари яна уқаланиб, майдаланиб яна ғалвирдан ўтказилади. Қозондаги хамир тилла рангга киргандан кейин олинади ва кетидан яна хом хамир солиб қовурилади.
Эслатма: хамир қозонда бир-икки ҳовуч қилиб қовурилиши лозим, шунда хамирнинг ҳаммаси бир хил бўлиб пишади. Пишиш жараёнида хамир айлантириб турилади. Пишиб бўлган хамир тезда жўва ёрдамида майдаланилади.
"Нилуфар элит" ўқув маркази пазандалик курси ўқитувчиси Муҳайёхон АБДУРАСУЛОВА тайёрлади.
|