Орастахона

ЮЗ ТЕРИСИ ПАРВАРИШИ

Агар юз терингиз қуруқ бўлса:

Битта апельсин пўстини олиб, идишга солинг. Устидан 2 пиёлада қайноқ сув қуйиб, уни совугунга қадар дамлаб қўйинг. Тайёр бўлган дамламани докадан сузиб олиб, уйқуга ётишдан аввал, юзингизни чайинг.

Ушбу муолажа терини озиқлантиришда яхши фойда беради.

***

Бир пиёла сут билан ҳар куни эрталаб юзингизни ювиб турсангиз, яхши натижага эришасиз. Бу муолажа юз терисини майинлаштириб, оппоқ ва силлиқ қилади.

***

Агар юз терингиз ёғли бўлса:

Бир дона бодрингни иккига бўлиб, юз терисига суртиб туринг.

***

Ичилган чой шамасига юмшоқ пахтани ботириб олиб, уни юз ва бўйин терисига суртиб, 10 дақиқадан кейин илиқ сувда ювиб ташланг.

***

Озроқ карам япроғини майда қилиб тўғраб, устига 1 дона тухум оқини қўшиб аралаштиринг. Тайёр бўлган суртмани юз ва бўйин терисига суртиб, 10 дақиқадан сўнг илиқ сувда ювиб ташлайсиз.

Тайёрловчи: НИГОРА