ҚАЙНАТМА ҚИЗИЛЧА ШЎРВА

Керакли масаллиқлар: гўшт, пиёз, картошка, шолғом, қизил сабзи, қизил лавлаги, кўкатлар.

Тайёрланиши: қозонга сув қуйилиб, яхшилаб қайнатилади. Аввал гўшт солиниб, кейин барча масаллиқлар бирин-кетин ўртача катталикда тўғралиб, қайнаётган сувга солинади. Таъбга кўра тузи ростланади. Сўнгра битта каттароқ қизил лавлаги қирғичдан ўтказилиб, қайнаётган шўрвага қўшилади. 1,5-2 соатдан кейин шўрвани тановул қилиш мумкин.