ИҚТИҚЛОЛ МУБОРАК

Ассалом, оппоқ тонг, ассалом, қуёш,

Ассалом, эрксевар ўзбегим-жондош!

Фахру ифтихорга лиммо-лим юрак,

Юртим, истиқлолинг бўлсин муборак!

Бир мўъжиза тупроқ - она Туроним,

Авлодлар тилида эзгу уроним.

Келажагинг буюк - ягона тилак,

Юртим, истиқлолинг бўлсин муборак!

Ўзимники пахтам, буғдойим - ноним,

Оламга кўз-кўзлай шуҳрату шоним.

Жонлар фидо агар Ватан-чун керак,

Юртим, истиқлолинг бўлсин муборак!

Йиллар тарих учун оддий сарҳисоб,

Юксалиш йўлидан қадам ол шитоб.

Ҳалол меҳнат билан толмасин билак,

Юртим, истиқлолинг бўлсин муборак!

Рўзихон ИМИНОВА.