ШУКРОНА

Сени улуғлайди, қутлайди башар,

Ватаним, айёминг муборак бўлсин.

Сени шарафласам, севсам ярашар,

Ҳурликнинг офтоби тоабад кулсин.

Сенинг ҳақ сўзингни тинглайди олам,

Жаҳон пештоқида порлар байроғинг.

Қадим наврўзингдан бошланар кўклам,

Тинчликка бонг уриб чорлар маёғинг.

Танглайи меҳнатдан кўтарилган эл,

Ҳалқингни оқ нонга тўйдирган сенсан.

Манглайи шуҳратдан кўтарилган эл,

Оқил фарзандларга тўлдирган сенсан.

Шодиёналар бўлсин сенга, она юрт,

Тароналар бўлсин сенга она юрт.

Кўксимизда қўллар, бошимиз осмон,

Шукроналар бўлсин сенга, она юрт!

Умида ЖЎРАЕВА.