БИЗ ҲЕЧ КИМДАН КАМ ЭМАСМИЗ!

Юртбошим бор, армиямиз бор,

Ватан деган тарбиямиз бор.

Юртим тинчдир, неъматлар бисёр,

Биз ҳеч кимдан кам эмасмиз, кам!

Истиқлолни қўлга олдик-ку,

Иқтисодни йўлга солдик-ку.

Тенглар ичра тенг ҳам бўлдик-ку,

Биз ҳеч кимдан кам эмасмиз, кам!

Ҳа, албатта йигирма йил кам,

Билинг, йилда юз йил мужассам.

Дунё ишин шундоқ кузатсам,

Биз ҳеч кимдан кам эмасмиз, кам!

Ёшаради кўҳна чинорлар,

Янгиланар эски минорлар.

Сўзи тумор, кўзи ҳуморлар,

Биз ҳеч кимдан кам эмасмиз, кам!

Янгиланиб борар онгимиз,

Отмоқдадир бизнинг тонгимиз.

Ортар яна шуҳрат-шонимиз,

Биз ҳеч кимдан кам эмасмиз, кам!

Юртбошим бор, армиямиз бор,

Ватан деган тарбиямиз бор.

Юртим тинчдир, неъматлар бисёр,

Биз ҳеч кимдан кам эмасмиз, кам!

Эркинжон ОХУНЖОНОВ.