ОЛАМДА НИМА ГАП?

ЎН ИККИ ЙИЛДА ТОПИЛГАН АЁЛ

Бёрн шаҳри яқинидаги ўрмонда 12 йил муқаддам бедарак йўқолган Германия фуқароси топилди. Ўрмонда яшаётган аёл ҳақида Швейцария полициясига шу ерга келган сайёҳлар хабар беришди. Полиция вакилларининг сўзларига кўра, бу аёл Постдам яқинидаги қишлоқдан бедарак йўқолган 52 ёшли Германия фуқароси бўлиб чиқди.

Ахборот агентлигининг маълумотига қараганда, аёл ўз оиласи билан алоқага чиқишдан бош тортди. У кўп вақт давомида ўрмонда брезентдан ясалган капада яшаган бўлса-да, жисмонан ва руҳан соғғлом эканлиги аниқланди. Полиция томонидан берилган саволларга у аниқ, мантиқий жавоб берган.

Полиция аёлни ҳозирча вақтинчалик яшаш жойида қолдирди, лекин унга яқин орада ўрмонни тарк этишга тўғғри келади. Боллиген коммунасига қарашли ўрмоннинг соҳиблари маҳаллий ижтимоий ҳимоя идоралари билан ўз оиласи даврасига қайтишни истамаётган аёлни бошқа ерга кўчириш масаласини муҳокама қилишмоқда.

ДУНЁДАГИ ЭНГ КАТТА АКВАРИУМ

АҚШнинг Жоржия штати Атланта шаҳрида дунёдаги энг катта аквариум жойлашган. Мазкур аквариумдаги турли-туман балиқларнинг яшашини таъминлаш учун 100 км.дан зиёдроқ қувурлар ўрнатилган. 800000 литрдан ортиқ сув тўлдирилган аквариумда қизиқарли саёҳатлар, турли кўргазмалар ташкил этилади.

ЗУҲРИДДИН тайёрлади.