ҚИЗЛАРГА МАСЛАҲАТ

КИЙИМИНГИЗ КЎРКАМ БЎЛСИН

ОЗҒИНЛАР ҚАНДАЙ КИЙИНИШИ КЕРАК?

Барча журналларда фақат озиш учун парҳезлар ва тўладан келган кишилар қандай кийиниши кераклиги ҳақида ёзишади. Хўш, нима учун шундай? Сабаби оддий. Аксарият одамларнинг семиришга бўлган мойиллигида. Унда семириши зарур бўлган кишилар нима қилишлари керак? қуйида биз ортиқча озғғинликни яшириши мумкин бўлган кийимлар ҳақида тўхталмоқчимиз. Маслаҳат биздан, унга амал қилиш Сиздан.

КЕНГ КИЙИМЛАРДАН

ХАЛОС БЎЛАЙЛИК

Озғғин кишилар кенг кийимлар озғғинликни яширади, деб ўйлашади. Бу қараш хатодир. Бундай деб ўйламаслик керак. Эсингизда бўлсин, бундай бешакл кийиниш барча камчиликларингизни яққол кўрсатиб қўяди. Масалан, бир неча размер катталикдаги свитерни кийсангиз, қўл ва оёқларингиз янада озғғинроқ кўринади.

қАВАТ-қАВАТ КИЙИНИШ

Турли пуловерлар, жемперлар ва кўйлакларнинг қоматга мос тушишига эътибор қилинг. Кийинишнинг бундай усули худди хушбичим ва кичкина қоматлилар учун яратилгандай. Аммо бунда ки-йимларнинг матоси ҳақида ҳам унутманг, у бир текис бўлмаслиги, аксинча, фактурали бўлиши керак. Бу Сизни сал тўлароқ қилиб кўрсатади. Масалан, йўл-йўл кўйлак устидан чуқур ўйилган ёқали оч жигарранг пуловерни кийиш мумкин. Ёки аксинча, исталган нақшли пуловер билан гулсиз кўйлакни.

қОРА РАНГЛИ КИЙИМЛАР

Кўпчилик қора рангли кийимни фақат тўладан келган кишилар кийиши мумкин, деб ҳисоблашади. Шубҳасиз, у кишини хушбичим қилиб кўрсатади. Аммо қора рангдаги либосларни озғғин кишилар ҳам кийишлари мумкин. У қоматга урғғу бериб туради. Масалан, оёқлари узун қизга калта қора кўйлак жуда ярашади. Аммо чегарадан чиқиб кетманг, жуда узун қора кийим қомати ва бўйидан қатъи назар, ҳеч кимга тўғғри келмайди. қолаверса, кийимларингиз орасидан қоматингизга ёпишиб турувчи ва пастигача торайган қора шим ва лосиналарни чиқариб ташланг. Улар озғғин оёқларингизни янада хунук қилиб кўрсатади. Яхшиси, илиқ ранглардаги шимлар, оч рангдаги жинси шимларни харид қилиб, эътиборни камарга қаратинг.

ОЗҒИНЛАР ИССИқ

КИЙИНСИН

Иссиқ кийим, биринчи навбатда, қават-қават кийиниш, албатта, тананинг иссиқ бўлишини таъминлайди. Чунки кишиларнинг озғғинлиги моддалар алмашинувининг тезлиги билан боғғлиқ. Яъни, озғғинларда ҳимоя қилувчи ва танани иситувчи ёғғ қатлами бўлмайди. Озғғин одамлар истеъмол қиладиган овқат айнан шу вазифани бажаради. Демак, истеъмол қилинган овқатлар қуввати жуда тез сарфланишининг олдини олиш учун иссиқроқ кийинишга ҳаракат қилинг.

ТАВСИЯЛАР

ТАВСИЯ ЭТИЛМАЙДИ: узун қора юбкалар ва кўйлаклар, кийимда вертикал чизиқлар бўлиши, танага ёпишиб турувчи ва жуда кенг кийимлар, қўпол пойабзал.

ТАВСИЯ ЭТИЛАДИ: кийимда горизонтал чизиқлар бўлиши, хошияли кийимлар, тиззадан юқори бўлмаган юбкалар, масалан, "қўнғғироқча" юбка, "сиқилган" ва фактурали блузкалар, ингичка ва ўртача баландликдаги пошнали пойабзал.

Умуман олганда, шуни айтиш мумкинки, дўконларда сотилаётган либосларнинг кўпчилиги айнан хушбичим кишилар учун мўл-жалланган. Кийимлар ва кийиниш инсон учун аҳамиятли жиҳатлар ҳисобланади. Шу боис, кийинишга алоҳида эътибор қаратинг, ўзингизни ноқулай сезмасликка ҳаракат қилинг. Асосийси, бежирим ва ўзингизга ярашадиган тарзда кийинишингиз ҳамда кийимларни тўғғри танлашингиз лозим. Шундагина кўркам ва жозибали кўринишга эга бўласиз.

Шаҳноза ШУКУРОВА, АДУ талабаси.