ОРАМИЗДАГИ АЁЛЛАР

ЎЗ ИШИНИНГ УСТАСИ

Бўз педагогика коллежида 26 йилдан бери ишлаб келаётган ҳисобчи аёл Ҳидоятхон Ҳакимова ўз касбини пухта эгаллаган, ҳушёр ва билимли мутахассисдир. У Фарђона шаҳрида ишчи оиласида туђилган. Ҳидоятхон опа ўрта мактабни имтиёзли тугаллаб, тенгдошлари қатори ҳаётда ўз ўрнини топишга интилди. Ёшлигидан математика фанини жуда севар ва ўзини фақат ҳисоб-китоб вазифасида тасаввур этар эди.

Тақдир тақозоси билан турмушга чиққач, 1981 йили Фарђона кооператив техникумининг бухгалтерия факультетига ўқишга кирди. 1983 йили эса ўқишни битирди ва йўлланма билан Андижон вилояти, Бўз туманининг собиқ М.Жалолов номли жамоа хўжалигига ҳисобчи бўлиб ишга келди. қисқа фурсат ичида ишда ўзини кўрсата олди. 1985 йилда педагогика коллежига ҳисобчилик вазифасига таклиф этишди.

Мана, салкам 25 йилдирки, шу касбда меҳнат қилиб обрў топди. Ишида аниқлик, тўђрилик, ҳаққонийлик мужассам. Ҳисоб-китобда ҳалолликни шиор билди. Шу боис, жамоада опанинг ҳурмати баланд. қачон унинг ёнига ёрдам сўраб келсангиз, ўз ишини нари суриб қўйиб бўлса-да, албатта кўмак беради. Маънили, кайфиятни кўтарадиган сўзлари билан жамоадагиларнинг кўнглига йўл топа олади. Шунинг учун уни ҳам барча эъзозлайди.

Ҳидоятхон опа оилада меҳрибон, жонкуяр инсон. Тўрт нафар фарзанднинг онаси ва саккиз набиранинг суюкли бувижонисидир. Опа ёшига нисбатан анча ёш кўринади, боиси ҳеч кимга ёмонликни раво кўрмайди, қўлидан келганча яхшилик қилишга уринади.

- Бир-биридан ёрдамини аямайдиган, аҳил-иноқ бўлган жамоа билан ушбу нуфузли ўқув масканида бирга ишлаётганимдан фахрланаман, - дейди опа биз билан суҳбатда.

...Ҳа, опа ўзининг узоқ йиллик иш фаолияти давомида коллеж маъмурияти томонидан бир неча бор фахрий ёрлиқ ва эсдалик совђалари билан тақдирланган.

Ўз касбига фидойи бўлган мана шундай устозлардан биз ёшлар доимо ўрнак олсак арзийди.

Феруза РУСТАМОВА,

Бўз тумани педагогика

коллежи ўқитувчиси.