"МУСТАҚИЛ ВАТАН, МУНОСИБ ФАРЗАНДИНГ БЎЛАМАН!"

Халқаро болаларни ҳимоя қилиш куни муносабати билан ана шу мавзуда Андижон шаҳридаги Болалар шаҳарчасида тадбир бўлиб ўтди.

Шаҳарчада тарбияланаётган ўғил-қизларнинг ҳар жиҳатдан пухта билим олаётганликлари ўз иқтидор ва салоҳиятларини тўла намоён эта олаётганликлари уларнинг ушбу байрам дастуридаги чиқишлари мисолида ҳам яққол намоён бўлди.

Шаҳарча фарзандларининг она Ватан, Мустақиллик, юрт ободлиги ва тинчлиги ҳақидаги шеър, шўх қўшиқ ва рақслари иштирокчи ва меҳмонларга манзур бўлди.

Байрам тадбирига Ўзбекистон халқ артисти Озодбек Назарбеков ва вилоятимиздаги ёш санъаткорлар ташриф буюриб, шаҳарча фарзандлари ва битирувчиларини байрам билан қутладилар.

М.ОРТИҚОВА.