БОЛАЛАР ОРОМГОҲЛАР ҚУЧОҒИДА

Вилоят касаба уюшмалари ташкилотлари Бирлашмаси томонидан ҳар йили болаларнинг ёз мавсумида лагерларда мароқли дам олишлари учун етарлича шарт-шароитлар яратиб берилади. Бу йил ҳам мавсумга жиддий тайёргарлик кўрилди.

Вилоятимизда 60та оромгоҳ бўлиб,шундан 19 таси шаҳар четида, қолган 41 таси мактаблар қошида кундузги тартибда иш олиб боради. Бу йил ушбу оромгоҳларда жами 19 минг 330 нафар болалар, шулардан 9930 нафари шаҳар четидаги, қолган 9 минг 400 нафари эса мактаб қошидаги кундузги оромгоҳларда дам олиши режалаштирилган.

Куни-кеча вилоят касаба уюшмалари ташкилотлари Бирлашмасида мавсум бошланишига бағишланган тадбир бўлиб ўтди. Тадбирдан сўнг бир гуруҳ болалар шаҳар четидаги оромгоҳларга жўнаб кетдилар. 3150 нафар кичкинтой эса, мактаб қошидаги кундузги оромгоҳларда дам олишни бошладилар.

У.АБДУСАЛОМОВ.