САМБОЧИ ҚИЗЛАР ҒАЛАБАСИ

Тошкентдаги "ЖАР" спорт мажмуида самбо ҳамда жанговор самбо турлари бўйича Осиё очиқ чемпионати ўтказилди. Чемпионатда 18 мамлакатнинг 500 нафар кучли спортчилари иштирок этиб, ўз вазн тоифасида беллашдилар.

Қизлар ўртасида бўлиб ўтган қизғин ва муросасиз мусобақаларда Андижон олимпия заҳиралари спорт коллежи талабаси, спорт устаси Малика Мирзаева олтин медални қўлга киритиб, халқаро тоифадаги спорт устаси талабини бажарган бўлса, икки карра Осиё чемпиони ва жаҳон чемпионатининг кумуш медали совриндори Дилдора Убайдуллаева ўз вазн тоифасида кураш олиб бориб, ғолиб бўлди ва уч карра Осиё чемпиони деган шарафли номга сазовор бўлди.

Шунингдек, мусобақада Гуласал Алимова, Шаҳло Йўлдошева, Чинора Қўчқорова, Наргиза Тоштемирова, Манзура Худойназаровалар кумуш ва бронза медалларини қўлга киритдилар.

Ф. АБДУЛЛАЕВ,

талаба.