"ОНАЛАР АЛЛА КУЙЛАГАНДА"

Вилоят хотин-қизлар қўмитаси ташаббуси билан ҳар йили ўтказиб келинаётган мазкур кўрик-танловнинг вилоят босқичи кўтаринки руҳда ўтказилди.

Унда вилоятимизнинг барча шаҳар ва туманларидан сараланган алла, лапар, "ёр-ёр", ўлан сингари қадимий қўшиқлар оналар тилида янада сайқалланиб, янги оҳангларда ижро этилди. Оғиздан-оғизга ўтиб келаётган айтишув ва лапарлар ҳам йиғилганларга хушнудлик бағишлади. Кўрик-танлов якунида 1-ўрин алланинг моҳир ижрочиларига, яъни, Бўз тумани вакилларига насиб этди. 2-ўринга Хонобод шаҳри гуруҳи, 3-ўринга эса Марҳамат тумани иштирокчилари муносиб, деб топилдилар.

Танлов ғолиблари ва иштирокчилари ҳомий ташкилотлар томонидан тақдирландилар.

З.СОТВОЛДИЕВА.