УСТА-ШОГИРД АНЪАНАЛАРИ ДАВОМ ЭТАДИ

Андижон шаҳридаги "Иттифоқ" МФЙда 2011 йил - "Кичик бизнес ва ҳусусий тадбиркорлик йили" муносабати билан тадбиркорлик ҳамда ҳунармандчилик ишлари ривожига катта аҳамият қаратилмоқда. Айниқса, уста-шогирд йўналиши бўйича қилинаётган ишлар мақтовга лойиқдир.

Жумладан, маҳаллада истиқомат қилувчи Мастурахон ая Ҳожиматова ўзининг чеварлик ҳунарини бир неча йиллардан буён маҳалласидаги ёш келин ва ўсмир қизларга ўргатмоқда. Мастурахон ая бу касбда 50 йилдан бери шуғулланиб, маҳалла аҳлининг ҳожатини равон қилаётганидан бахтиёрдир.

Айтиш жоизки, яқин фурсат ичида маҳаллада иқтидорли ёшлар ҳисобига чевар-ҳунар- мандлар сафи кескин ортади. Негаки, Мастурахон аянинг ўз атрофига олган шогирдлари ҳозирча 40 нафардан ортди. Улар шубҳасиз, ўз устозларидан дуо олганларидан сўнг мустақил равишда чеварлик фаолиятини олиб боришади.

Демак, "Иттифоқ" МФЙда уста-шогирд анъаналари давом этади.

Ш.КЕЛДИЕВ.