ОМБУДСМАННИНГ МИНТАҚАВИЙ ВАКИЛИ ТАҚДИМОТИ

Андижон шаҳридаги Ёшлар марказида Ўзбекистон Республикаси Олий Мажлиси Инсон ҳуқуқлари бўйича вакили (омбудсман)нинг Андижон вилояти бўйича вакилининг тақдимоти бўлиб ўтди.

Тақдимотда Республика Олий Мажлиси Сенати, Қонунчилик палатаси депутатларининг вакиллари, вилоят, шаҳар ва туман Кенгашларининг депутатлари, ҳуқуқ-тартибот идораларининг раҳбарлари, оммавий ахборот воситалари ходимлари иштирок этдилар. Тақдимотни вилоят ҳокими А.Усмонов олиб борди.

Ўзбекистон Республикаси Олий Мажлиси инсон ҳуқуқлари бўйича вакили С.Рашидова бу соҳада олиб борилаётган ишлар хусусида гапириб, омбудсманнинг минтақавий вакили, "Андижоннома" ва "Андижанская правда" газеталари бош муҳаррирининг биринчи ўринбосари Абдумутал Абдуллаевни таништирди.

Тадбирда вилоятимизда инсон ҳуқуқларини ҳимоя қилиш соҳасидаги ишларни янги сифат босқичига кўтариш, янада такомиллаштириш, омбудсман минтақавий вакили олдида турган муҳим вазифалар айтиб ўтилди.

(ЎЗ МУХБИРИМИЗ).