"ЙИЛНИНГ ЭНГ ЯХШИ ЎҚИТУВЧИСИ"

Вилоят ҳокимлигининг ташаббуси билан ўрта махсус, касб-ҳунар таълими бошқармаси тасарруфидаги академик лицей ва касб-ҳунар коллежлари ўқитувчилари ўртасида "Йилнинг энг яхши ўқитувчиси" кўрик-танлови бўлиб ўтди.

Бобур номли вилоят мусиқали драма ва комедия театрида қуйи босқичларда ғолибликка эришиб, вилоят босқичига чиқишга эришган 22 нафар ўз касбининг усталари ўзаро беллашиб, маҳорат ва тажрибаларини намойиш қилдилар.

Танлов якунига кўра 10 нафар ўқитувчи ўз фанлари бўйича "Йилнинг энг яхши ўқитувчи"си, деб топилдилар.

Шаҳрихон иқтисодиёт коллежи ўқитувчиси О.Ғозиева (она тили ва адабиёти), Хўжаобод қишлоқ хўжалик касб-ҳунар коллежи ўқитувчиси Ф.Зокирова (тарих), Марҳамат қишлоқ ва сув хўжалиги касб-ҳунар коллежи ўқитувчиси М.Ҳожимўминова (рус тили), Жалақудуқ агросаноат касб-ҳунар коллежи ўқитувчиси Д.Турғунова (инглиз тили), Бўз тиббиёт коллежи ўқитувчиси Т.Қорабоева (биология), Жалақудуқ педагогика касб-ҳунар коллежи ўқитувчиси М.Тўраева (кимё фани), Андижон педагогика коллежи ўқитувчиси С.Тўйчибоева (математика), Балиқчи иқтисодиёт коллежи ўқитувчиси Б.Қаҳҳорова (физика), Улуғнор қишлоқ хўжалик касб-ҳунар коллежи ўқитувчиси Ш.Раҳимова (махсус фанлар), Андижон маиший хизмат касб-ҳунар коллежи ўқитувчиси З.Юсупов (мутахассислик) йўналишлари бўйича ғолибликни қўлга киритдилар.

(ЎЗ МУХБИРИМИЗ).