"ШАҲРИХОНСОЙ МАВЖЛАРИ"

Куни кеча Фарғона водийси ёш ижодкорларининг шеърият мушоираси бўлган "Шаҳрихонсой мавжлари" анжумани бўлиб ўтди. "Буюк ва муқаддас юрт фарзандимиз" мавзусида ўтган мазкур анжуманда Фарғона, Наманган ва Андижон вилоятларидан ташриф буюрган 70 дан зиёд ижодкор ёшлар, таниқли ёзувчи ва шоирлар иштирок этдилар.

Шеърият байрами қатнашчилари дастлаб шоир Оразийнинг қабрини ва ул зотнинг ёдгорлик музе-йини зиёрат қилди. Сўнг Шаҳрихоннинг гўзал гўшаларидан бири - Мингчинорда шеърият мушоираси бўлиб ўтди.

Тадбирда иштирок этган ёш ижодкорлар тўрт гуруҳга бўлиниб, ўзларининг ижод намуналаридан ўқидилар. Устозлар эса улар ҳақида ўз фикр-мулоҳазаларини айтиб, зарур маслаҳатлар бердилар.

Тадбир якунида барча ижодкор ёшларга эсдалик совғалари тақдим этилди.

Юлдузой ЎРМОНОВА.