ИДОРАЛАРАРО КОМИССИЯ ЙИҒИЛИШИ

Вилоят ҳокимлигида одам савдосига қарши кураш бўйича идоралараро комиссиянинг навбатдаги йиғилиши бўлиб ўтди.

Йиғилишда мазкур йўналишда вилоятда амалга оширилаётган ишлар кўриб чиқилиб, таҳлил қилинди. Одам савдоси, унинг жирканч оқибатлари, мазкур жиноятга қарши кураш ва унинг олдини олиш борасидаги профилактик тадбирлар самарадорлигини ошириш ва шу орқали ижобий натижаларга эришиш хусусида сўз юритилди.

Шунингдек, йиғилишда янги иш ўринлари яратиш, чет элларда ишлаб келган кишиларни тиббий кўрикдан ўтказиш, турли юқумли касалликлар келиб чиқишининг олдини олиш ишларини кучайтириш вазифаси белгиланди.

Йиғилишда вилоят ҳокимининг ўринбосари, хотин-қизлар қўмитаси раиси Н. Яқубова иштирок этди.