САВДО МАЖМУАСИ ИШГА ТУШДИ

Андижон тумани, Хортум қишлоқ фуқаролар йиғини ўрамидаги Ўрикзор маҳалласида янги қурилган намунавий уй эгаларининг қувончлари чексиз. Шу кунларда маҳалла гузарида бунёд этилган савдо мажмуаси фойдаланишга топширилди.

Гузарда 16 та дўкон, 24 ўринли очиқ савдо растасига эга бозорча, ошхона, сартарошхона ва бошқа бир қатор маиший хизмат кўрсатиш объектлари бунёд этилди. Маҳалла кўркига-кўрк қўшган мазкур мажмуа аҳолига катта қулайлик яратиши шубҳасиз.

Ушбу объектлар ишга туширилиши билан 40 киши доимий иш ўрнигаа эга бўлди.

Мазкур савдо мажмуаси Истиқлол байрами арафасида маҳалла аҳлига байрам туҳфаси, қолаверса, юртимизда инсонларга кўрсатилаётган ғамхўрлик намунасидир.

Ф. ИБАЙДУЛЛАЕВ.