"АСЛ ЛИБОСЛАР МАРКАЗИ" ТАҚДИМОТИ

Андижон кичик ва ўрта бизнес коллежида "Асл либослар маркази" очилди. Куни кеча ушбу марказнинг тақдимот маросими бўлиб ўтди.

Вилоят хотин-қизлар қўмитаси ҳамда вилоят ўрта махсус, касб-ҳунар таълими бирлашган касаба уюшма қўмитаси томонидан бир неча йилдан буён ўтказиб келинаётган "Асл либослар" танлови ушбу марказнинг очилишига асос бўлди. Унда вилоятимиздаги 25 та касб-ҳунар коллежларининг шу йўналишда бичиш-тикишни ўрганаётган талаба қизларининг миллий ва замонавийлик уйғунлашган бежирим либослари кўргазмаси ташкил этилди.

Йиғилганлар ушбу марказ ишини ривожлантириш, тикувчи талаба қизларни бу ерга кўпроқ жалб қилиш ҳақида фикр-мулоҳазаларини билдирдилар.

Тақдимот маросимида вилоят ҳокимининг ўринбосари, вилоят хотин-қизлар қўмитаси раиси Н.Якубова иштирок этди.

З.АБДУЛЛАЕВА.