КАСАНАЧИЛИК РИВОЖЛАНМОҚДА

Андижон шаҳридаги Ғайрат маҳалла фуқаролар йиғинида 2011 йил - "Кичик бизнес ва хусусий тадбиркорлик йили" муносабати билан касаначиликни ривожлантиришга алоҳида эътибор қаратилмоқда. Жумладан, маҳаллада яшовчи ҳунарманд чеварларнинг тадбиркорлик фаолиятларига кенг йўл очиб берилмоқда.

Тадбиркорлик фаолияти билан шуғулланаётган Сайёрахон Каримова, Ҳалимахон Муллажонова, Дилбархон Казиевалар яратиб берилаётган имкониятлардан унумли фойдаланишяпти. Улар касаначиликка алоҳида эътибор қаратиб, кўплаб хотин-қизларнинг бандлигини таъминлашга эришдилар. Очиғи, ҳозиргача 20 нафардан зиёд хотин-қиз чеварлик сирларини ўрганишиб, мустақил иш юритишмоқда.

Айни пайтда эса тадбиркор чеварлар 60 нафарга яқин қизларга "уста-шогирд" асосида ҳунар ўргатмоқдалар.

Ш. КЕЛДИЕВ.