ТИЛ БАЙРАМИГА БАҒИШЛАНДИ

Андижон шаҳридаги 18-умумтаълим мактабида бўлиб ўтган байрам тадбир "Она тилим - жону дилим" деб номланди. Тил байрами арафасида ўтган мазкур тадбирни мактабнинг ўзбек тили ва адабиёти фани ўқитувчилари ташкил этдилар.

Байрамда ўзбек тилининг миллатимиз ғурури, шаъни, ифтихори эканлиги хусусида ўқитувчиларнинг маърузалари тингланди ҳамда аълочи ўқувчилар томонидан тайёрланган шеърий, адабий композициялар намойиш этилди.

Айтиш жоизки, шу кунги тадбир баҳона мактаб ўқувчилари миллий қадриятларимиз ҳамда миллатимиз кўрки бўлган она тилимиз тўғрисида янги билимларга эга бўлдилар.

Ш.КЕЛДИЕВ.