АНДИЖОН ЖАМОАСИ УЧИНЧИ ЎРИНДА

Қўл тўпи бўйича олий лига қизлар жамоалари ўртасида Ўзбекистон миллий чемпионатининг бешинчи тур учрашувлари Гулистон шаҳрида бўлиб ўтди. Унда Андижон Олимпия заҳиралари спорт коллежининг Исмоилжон Аҳмедов раҳбарлигидаги "ОАЗК" жамоаси муваффақиятли иштирок этди.

Икки ўйинда имкониятни бой берган андижонлик қизлар қолган учрашувларда ғалабага эришдилар. Турнир жадвалида "ОАЗК" жамоаси учинчи ўринни эгаллаб турибди.

Мусобақалар якунида Андижон жамоаси вакиллари Ангелина Мамиталиева, Ҳабиба Қодировалар халқаро турнирлар ва чемпионатлардаги фаол ўйинлари учун спорт устаси деган номга сазовор бўлдилар.

Ўзбекистон чемпионатининг олтинчи тур учрашувлари Тошкент шаҳрида ўтказилади.

Ш. АБДУЛЛАЕВ.