ЎҚИНГ, ҚИЗИҚ

ЭНГ КАТТА ОШҚОВОҚ

Швецарияда ҳар йили энг йирик ошқовоқ етиштириш бўйича миллий мусобақа ўтказиш анъанага айланиб қолган. Ким катта ошқовоқ етиштирган бўлса, ўша фермер ғолиб деб топилади ва мукофотланади.

2009 йилда Зеекрабане шаҳрида бўлиб ўтган навбатдаги мусобақада фермер Гвидо Зуфсшмид ғолиб чиқди. Фермер етиштирган ошқовоқ ҳакамлар томонидан торозига қўйилганда, кўп эмас, оз эмас, 365 кг.ни ташкил қилди.

2008 йили ғолиб Роджер Рюттер эса иккинчи ўрин билан кифояланишга мажбур бўлди. У танловга олиб келган ошқовоқ оғирлиги 353,5 кг. эди.

Шундай бўлса-да, 2006 йилдаги рекорд ўзгармай қолди. Ўшанда мамлакатнинг Ааргау кантонидан келган фермер Урс Швеглер етиштирган ошқовоқнинг оғирлиги 468,2 кг. бўлган.

Тайёрловчи А.НАЗАРБОЕВ.