ҚАТРА

"КЕЧИР МЕНИ..."

Шу биргина сўзни айтиш қанчалар оғир. Ўз айбига иқрор бўлишлик ҳам марднинг иши. Аслида, узр сўраладиган амални қилмаслик керак. Чунки бировдан кечирим сўраш учун одам бир бор ўлиб, тирилса керак?..

Алдовлардан яраланган кўнгил кишиси уни кечиргани билан, жароҳат изи битмайди. Кошки эди, "узр" берган азобларни ювиб юборса?

Инсон қачон айб ишга қўл уради? Қачонки, шошқалоқлик қилса... Қачонки, шошилиб хулоса чиқарса... Ўйлаб-ўйламай қарор қабул қилса... Демак, шошқалоқлик ақлли инсонлар иши эмас. Етти ўлчаб, бир кесиш керак, ҳар доим.

Бежиз донолар айтишмаган: "Мана бу ишни бекор қилибман", - деб пушаймон бўлгандан кўра, "Шу ишни қилолмадим" - дея афсус чекмоқ афзалдир инсон учун!"

Феруза РАСУЛОВА,

Булоқбоши тумани.